மணவாளக்குறிச்சி, சேரமங்கலத்தில் சி.எஸ்.ஐ. சேகர ராலி பெருவிழா: 19 சபை மக்கள் பங்கேற்பு
05-11-2014
குமரி சி.எஸ்.ஐ. பேராயம் நெய்யூர் சேகரத்திற்கு உட்பட்ட சேரமங்கலம், மணவாளக்குறிச்சி, நெய்யூர் உள்பட 19 சபைகளின் திருமறைப்பள்ளி ராலி பெருவிழா மணவாளக்குறிச்சி சேரமங்கலம் சி.எஸ்.ஐ. ஆலயத்தில் நடந்தது.
விழாவுக்கு சேகர போதகர் செல்லையா தலைமை தாங்கினார். சேரமங்கலம் சபை போதகர் செல்வின் மேத்யு முன்னிலை வகித்தார். கணக்கர் சந்தோஷ்குமார் வரவேற்று பேசினார். சபை போதகர்கள் இணைந்து ஜெபித்தனர். இதில் சிறப்பு விருந்தினராக திருப்பதிசாரம் விவசாய ஆராய்ச்சி மைய தோட்டக்கலை விஞ்ஞானி ரிச்சர்டு கென்னடி கலந்து கொண்டார். விழாவில் சேகர திருமறைப்பள்ளி செயலாளர் கால்வின் அறிக்கை வாசித்து நன்றி கூறினார். இதில் ஆயிரக்கணக்கானோர் வாழ்த்து அட்டைகளுடன் கலந்து கொண்டனர்.
Tags:
சுற்றுவட்டார செய்திகள்
