மணவாளக்குறிச்சியில் பக்ரீத் பெருநாளை முன்னிட்டு ஒட்டக குர்பானி இறைச்சி விநியோகம்

மணவாளக்குறிச்சியில் பக்ரீத் பெருநாளை முன்னிட்டு ஒட்டக குர்பானி இறைச்சி விநியோகம்

05-10-2014

மணவாளக்குறிச்சியில் தமுமுக சார்பில் முதல் முறையாக பக்ரீத் பெருநாளை முன்னிட்டு ஒட்டகம் குர்பானிக்காக ஆந்திராவில் இருந்து கொண்டு வரப்பட்டது. இந்த ஒட்டகம் செய்யதலி, ரஃபீக், பீர்முஹம்மது, சாகுல் ஹமீது, அஜ்மல், காலித் மற்றும் சம்சுதீன் ஆகியோர் கொண்ட குழுவினர் செலவில் கொண்டுவரப்பட்டது.

இன்று பக்ரீத் பெருநாளை முன்னிட்டு தொழுகைக்கு பின்னர் 11 மணி அளவில் ஒட்டகம் அறுக்கப்பட்டது. தொடர்ந்து பங்கிடும் பணி 5 மணி நேரம் நடந்தது. சுமார் 400 பங்குகள் போடப்பட்டதாக தெரிகிறது. மணவாளக்குறிச்சி பகுதியில் ஏறத்தாழ 325 இஸ்லாமிய குடும்பங்கள் இருப்பதாக கூறப்படுகிறது.

பங்கிடும் பணி முடிந்த பின்னர், லோடு ஆட்டோ மூலம் குர்பானி இறைச்சி மணவாளக்குறிச்சி பகுதியில் உள்ள அனைத்து இஸ்லாமிய வீடுகளுக்கும் நேரடியாக விநியோகிக்கப்பட்டது. இதற்கான பணியினை இஸ்லாமிய இளைஞர்கள் ஆர்வமுடன் செய்திருந்தனர்.