மணவாளக்குறிச்சியில் பரபரப்பு: சைக்கிள் மீது ஏறி சென்ற டிப்பர் லாரி

மணவாளக்குறிச்சியில் பரபரப்பு: சைக்கிள் மீது ஏறி சென்ற டிப்பர் லாரி

26-05-2014

மணவாளக்குறிச்சி காணவிளை பகுதியை சேர்ந்தவர் பஷீர். இவருடைய மகன் அர்ஷாத். இவர் நேற்று முன்தினம் மதியம் மணவாளக்குறிச்சி சந்திப்பு பகுதியில் உள்ள ஒரு கடை ஓரத்தில் சைக்கிளை நிறுத்தி விட்டு பொருள்கள் வாங்கி கொண்டு நின்றார்.

அப்போது அந்த வழியாக டிப்பர் லாரி ஓன்று வந்தது. லாரி வந்த வேகத்தில் ரோட்டோரத்தில் நின்று கொண்டிருந்த சைக்கிளை இடித்துவிட்டு, அதன் மீது ஏறி சென்றது. இதில் சைக்கிள் நொறுங்கியது.இதனை கண்ட பொதுமக்கள் உடனே சைக்கிளை இடித்து தள்ளிய லாரியை நிறுத்தினர்.

பின்னர் சைக்கிளை சரிசெய்து தரும்படி லாரி ஓட்டுநரை கேட்டுகொண்டனர். இதில் சமாதானம் ஏற்படாததால், மணவாளக்குறிச்சி காவல் நிலையம் சென்று இடித்த சைக்கிளை சரிசெய்து கேட்டனர்.அப்போது லாரி ஓட்டுநர் சைக்கிளை சரிசெய்து தருவதாக ஒப்புக்கொண்டு எழுதி கொடுத்ததாக தெரிகிறது. ரோட்டோரத்தில் நின்ற சைக்கிளை லாரி இடித்து தள்ளிவிட்டு அதன் மீது ஏறி சென்றதால் மணவாளக்குறிச்சி பகுதி பரபரப்புடன் காணப்பட்டது.

செய்தி மற்றும் போட்டோஸ்

சபீக், மணவாளக்குறிச்சி