மணவாளக்குறிச்சி பகுதியில் தேர்தலையொட்டி துணை ராணுவத்தினர், போலீசார் அடையாள அணிவகுப்பு
21-04-2014
தமிழகத்தில் பாராளுமன்ற தேர்தல் வரும் 24-ம் தேதி நடைபெறுவதையொட்டி பலத்த பாதுகாப்பு ஏற்பாடுகள் செய்யப்பட்டு வருகிறது. இதற்காக குமரி மாவட்டத்துக்கு மத்திய தொழில் பாதுகாப்பு படையை சேர்ந்த துணை ராணுவத்தினர் வந்துள்ளார்.
மக்கள் பயமின்றி வாக்களிக்க பாதுகாப்பு ஏற்பாடுகள் செய்யப்பட்டுள்ளதை தொடர்ந்து நேற்று மணவாளக்குறிச்சி அருகே உள்ள முட்டம், மேலமுட்டம், கீழமுட்டம் பகுதிகளில் மத்திய பாதுகாப்பு படையை சேர்ந்த துணை ராணுவத்தினரும், இளைஞர் காவல் படையினரும், ஆயுதப்படை போலீசார், உள்ளூர் போலீசார் ஆகியோர் கலந்து கொண்டு அடையாள அணிவகுப்பு நடைபெற்றது.
முட்டத்தில் நடைபெற்ற அணிவகுப்பில் மாவட்ட போலீஸ் சூப்பிரண்டு மணிவண்ணன், குளச்சல் உதவி போலீஸ் சூப்பிரண்டு கங்காதர் ஆகியோர் கலந்து கொண்டனர்.
