மண்டைக்காடு அருகே மோட்டார் சைக்கிள்கள் நேருக்குநேர் மோதல் மணவாளக்குறிச்சி பகுதி மீனவர் பலி

மண்டைக்காடு அருகே மோட்டார் சைக்கிள்கள் நேருக்குநேர் மோதல்

மணவாளக்குறிச்சி பகுதி மீனவர் பலி

04-12-2013

மணவாளக்குறிச்சி பெரியவிளையை சேர்ந்தவர் சுனில். மீன்பிடி தொழிலாளி, இவர் தனது நண்பர் தினேஷ் என்பவருடன் ஒரு மோட்டார் சைக்கிளில் குளச்சலில் இருந்து பெரியவிளைக்கு வந்து கொண்டிருந்தார். அதேபோல் கொட்டில்பாடு கேஎஸ்எஸ் காலனியை சேர்ந்த சுதர்சன் ஆன்றனி என்பவர் தனது மனைவி நிர்மலாவுடன் மண்டைக்காடு புதூரில் இருந்து ஒரு மோட்டார் சைக்கிளில் வீட்டிற்கு சென்று கொண்டிருந்தார்.

இரண்டு மோட்டார் சைக்கிளும் மண்டைக்காடு அருகே உள்ள வெட்டுமடை பகுதியில் வரும்போது நேருக்குநேர் மோதிக்கொண்டன. இந்த விபத்தில் சுனில் சம்பவ இடத்திலேயே பரிதாபமாக இறந்தார். அவருடன் வந்த தினேஷ், மற்றொரு மோட்டார் சைக்கிளில் வந்த சுதர்சன் ஆன்றனி, அவரது மனைவி நிர்மலா ஆகிய 3 பேரும் படுகாயம் அடைந்தனர்.

அவர்களை பொதுமக்கள் மீட்டு சிகிட்சைக்காக ஆஸ்பத்திரிக்கு அனுப்பி வைத்தனர். இந்த சம்பவம் தொடர்பாக குளச்சல் போலீசார் வழக்குபதிவு செய்து விசாரணை நடத்தி வருகின்றனர். விபத்தில் பலியான சுனிலுக்கு திருமணமாகி மனைவியும், 2 குழந்தைகளும் உள்ளனர்.