மணவாளக்குறிச்சியில் அரசு பஸ் டிரைவரை தாக்கிய 2 பேர் கைது

மணவாளக்குறிச்சியில் அரசு பஸ் டிரைவரை தாக்கிய 2 பேர் கைது

04-12-2013

மணவாளக்குறிச்சி பிள்ளையார்கோவில் பகுதியை சேர்ந்தவர் ஞானசேகர் (வயது 43). அரசு பஸ் டிரைவர். இவர் நேற்று முன்தினம் இரவு திங்கள்நகரில் இருந்து மணவாளக்குறிச்சிக்கு பஸ்சை ஒட்டி வந்தார். மணவாளக்குறிச்சி சந்திப்பு பகுதியில் வந்தபோது பஸ் திடீரென பழுதாகி நின்று விட்டது.

அப்போது பஸ்சில் பயணம் செய்த மணவாளக்குறிச்சி பெரியவிளையை சேர்ந்த செல்வின் (33), அருள்சோபன் (29) என்ற பிரின்ஸ் ஆகியோர் டிரைவர் ஞானசேகரிடம் தகராறு செய்தனர். இருவரும் டிரைவரை பார்த்து ஆபாசமாக பேசியதுடன், அவரை தாக்கியதாக கூறப்படுகிறது. இதில் டிரைவர் ஞானசேகர் காயம் அடைந்ததாக தெரிகிறது.

அவர் இதுகுறித்து மணவாளக்குறிச்சி போலீசில் புகார் செய்தார். அதன்பேரில் சப்-இன்ஸ்பெக்டர் ஆறுமுகம் வழக்குபதிவு செய்து செல்வன், அருள்சோபன் ஆகிய இருவரையும் கைது செய்தார்.