மணவாளக்குறிச்சி விஸ்வகர்ம சமுதாய சங்க ஆண்டுவிழா மற்றும் விஸ்வகர்ம ஜெயந்தி விழா நடைபெற்றது

மணவாளக்குறிச்சி விஸ்வகர்ம சமுதாய சங்க ஆண்டுவிழா மற்றும்

விஸ்வகர்ம ஜெயந்தி விழா நடைபெற்றது

18-09-2013

மணவாளக்குறிச்சி விஸ்வகர்ம சமுதாய சங்க ஆண்டுவிழா மற்றும் விஸ்வகர்ம ஜெயந்தி விழா இம்மாதம் 15, 16 மற்றும் 17-ம தேதிகளில் நடைபெற்றது. முதல் நாள் நிகழ்ச்சியில் மாலை 2.30 மணிக்கு சிறுவர், சிறுமியர்களுக்கான விளையாட்டு போட்டிகளும், மாலை 4.30 மணிக்கு பெண்களுக்கான விளையாட்டு போட்டிகளும், மாலை 6 மணிக்கு மாறுவேட போட்டியும், இரவு 7.30 மணிக்கு சிறுவர், சிறுமியர்களுக்கான கலை நிகழ்ச்சிகளும் நடைபெற்றன.

 

16-ம் தேதி நிகழ்ச்சியில் காலை 9 மணிக்கு ஆண்களுக்கான விளையாட்டுப் போட்டிகளும், மதியம் 12 மணிக்கு அன்னதானமும் வழங்கப்பட்டது. மாலை 3 மணிக்கு திருவோணத்தை முன்னிட்டு உறியடி நிகழ்வும், மாலை 6 மணிக்கு சிறப்பு கூட்டமும் நடைபெற்றது. இதில் சமுதாய செயலாளர் சுப்பையன் சங்க அறிக்கை வாசித்தார். தலைவர் ஜெகநாதன் தலைமை உரை வழங்கினார். தொடர்ந்து பரிசு வழங்குதலும், சிறப்பு கலை நிகழ்ச்சியும் நடைபெற்றன.

17-ம் தேதி நிகழ்ச்சியில் காலை 9 மணிக்கு சமுதாய பெண்கள் குழுவினர் சர்க்கரை பொங்கலிட்டனர். காலை 11 மணிக்கு அனைவருக்கும் இனிப்பு வழங்கப்பட்டது.

செய்தி மற்றும் போட்டோஸ்

புதியபுயல் முருகன்