யோகாவில் சாதனை படைக்கும் 2-ம் வகுப்பு மாணவி
22-09-2013
2-ம் வகுப்பு மாணவி ஒருவர் யோகாவில் பல்வேறு யோகாசனங்களை செய்து சாதனை படைத்து வருகிறார்.
கோவில்பட்டி எவரஸ்ட் மெட்ரிக் பள்ளியில் 2-ம் வகுப்பு படித்து வருபவர் சக்திபிரபா. இவருடைய தந்தை பாலமுருகன், தாயார் கிருஷ்ணவேணி. சிறுமி சக்திபிரபா யோகா கலையில் தேர்ச்சி பெற்றுள்ளதுடன் நன்றாக நடனமும் ஆடுவார்.
 |
| யோகாசனத்தில் சிறுமி சக்திபிரபா |
இவர் மாநில அளவில் மதுரையில் நடைபெற்ற யோகா போட்டியில் கலந்து கொண்டு பிரபலங்கள் மற்றும் பார்வையாளர்களின் பாராட்டுகளை பெற்றுள்ளார். மேலும் கோவில்பட்டி சட்டமன்ற உறுப்பினர் கடம்பூர் ராஜுவிடம் இருந்து பரிசு வாங்கியுள்ளார்.
 |
| இளம் சாதனையாளர் விருதை திருச்செந்தூர் பேரூராட்சி தலைவர் சுரேஷ்பாபு வழங்கிய காட்சி |
பள்ளிகளில் நடைபெற்ற யோகா கலை போட்டிகளில் கலந்து கொண்டு பல பரிசுகளை பெற்றுள்ளார். புதியபுயல் மாதாந்திர பத்திரிகை நடத்திய விருது வழங்கும் நிகழ்வில் கலந்து கொண்டு இளம் சாதனையாளருக்கான விருது சக்திபிரபாவுக்கு கிடைத்துள்ளது. விருதுடன் பதக்கமும், சான்றிதழும் அவருக்கு வழங்கப்பட்டுள்ளது. அவருக்கு விருதை திருச்செந்தூர் பேரூராட்சி தலைவர் சுரேஷ்பாபு வழங்கி கௌரவித்தார்.
 |
| பகத்தம் பெறும் சக்திபிரபா |
சிறுவயதில் சாதனை படைத்து வரும் சக்திபிரபா மேலும் பல கலைகளை கற்றுவருகிறார். இளம்வயதில் பல சாதனைகளை படைத்து வரும் சக்திபிரபா பல்வேறு சாதனைகளை பெற “மணவை இன்ஃ போ” வாழ்த்துகிறது.
 |
| "மணவை இன்ஃபோ" ஆசிரியருடன் சக்திபிரபா |
Tags:
Other News
