ஜாதி மதம் ஒழிப்போம்

ஜாதி மதம் ஒழிப்போம்

23-08-2013

ஓட்டப் பந்தயத்தில் ஓடுகிறோம், ஜாதி மதத்தை வைத்தா வெற்றி தீர்மானிக்கப் படுகிறது. பாட்டுப் போட்டியில் கலந்து கொள்கிறோம், ஜாதி மதத்தை வைத்தா சிறந்த பாடகரை தீர்மானிக்கிறார்கள். நடனப் போட்டியில் கலந்து கொள்கிறோம், ஜாதி மதத்தை வைத்தா சிறப்பாக நடனமாடியவரை தேர்வு செய்கிறார்கள். கல்வி கூடங்களில் தேர்வு எழுதுகிறோம், ஜாதி மதத்தை வைத்தா மதிப்பெண் போடுகிறார்கள்.

இந்தியாவிலும் உலக அளவிலும் நடக்கும் எந்த போட்டியானாலும் சரி, எந்த தேர்வுகளானாலும் சரி, நம்முடைய திறமையை வைத்துதான் வெற்றி தோல்வியை தீர்மானிக்கிறார்களே தவிர, நம் ஜாதி மதத்தை வைத்தல்ல. இப்படியிருக்க நம் நாட்டில் எவ்வித திறமையும் இல்லாத அரசியல் வாதிகளுக்கு மட்டும் ஜாதி மதத்தை வைத்து ஓட்டு போடலாமா? இளைஞர்களே சிந்திப்பீர்.

இந்தியாவில் ஜாதி கலவரம், மதக்கலவரத்தை உண்டு பண்ணவே, சில சுயநல அரசியல் வாதிகளால் உருவாக்கப்பட்ட ஜாதி மதத்தை இந்தியாவிலிருந்து முற்றிலும் விரட்டுவோம். இளைஞர்களே யாருடைய நெற்றியிலாவது ஜாதி, மதம் குறிக்கப்பட்டுள்ளதா சிந்திப்பீர். நம் வாழ்க்கையில் ஒன்றுக்கும் உதவாத ஜாதி மதத்தை நம்முடைய பள்ளி, கல்லூரி சான்றிதல்களிலிருந்து முற்றிலும் நீக்கி விட ஒற்றுமையாய் போராடுவோம் வாருங்கள். நம் தேசத்தை கலவரமில்லாத இந்தியாவாக உருவாக்குவோம் வாருங்கள். உங்கள் கருத்துக்களை வரவேற்கிறோம்.

நன்றி, வெல்க பாரதம்.

இந்திய மக்கள் நலப்பணியில்

என்றென்றும் மகிழ்வுடன். ஸ்ரீ ஹரி