மணவாளக்குறிச்சியில்
சுமோ மீது பைக் மோதி - வாலிபர் படுகாயம்
19-11-2012
மணவாளக்குறிச்சி பாலம் பகுதியில் நின்று கொண்டிருந்த சுமோ மீது பைக் மோதி வாலிபர் படுகாயம் அடைந்தார்.
தென்தாமரைகுளம் பகுதியை சேர்ந்தவர் முருகன் (வயது 26). இவர் நாகர்கோவிலில் இருந்து குளச்சலை நோக்கி இருசக்கர வாகனத்தில் சென்றார். இந்நிலையில் மணவாளக்குறிச்சி பாலம் அருகே மதியம் 1.15 மணி அளவில் வரும் போது அதிக வேகத்தில் வந்ததாக கூறப்படுகிறது. அப்போது பாலம் அருகில் ரோட்டோரத்தில் நின்று கொண்டிருந்த சுமோ வாகனம் மீது பைக் வேகமாக பயங்கர சத்தத்துடன் மோதியது. இதில் முருகன் பலத்த காயம் அடைந்தார்.
முருகன் ஒட்டி வந்த இருசக்கர வாகனமும் பலத்த சேதமடைந்தது. காயம் அடைந்த முருகன் மயக்கநிலையில் இருந்தார். உடனே அக்கப்பக்கத்தவர் வந்து 180 ஆம்புலன்சுக்கு தகவல் கொடுத்தனர். ஆம்புலன்ஸ் வந்து முருகனை மீட்டு நாகர்கோவிலில் மருத்துவமனைக்கு கொண்டுசென்றது.
இதுகுறித்து மணவாளக்குறிச்சி போலீசார் வழக்கு பதிவு செய்து விசாரணை நடத்தி வருகிறார்கள். இந்த விபத்தால் மணவாளக்குறிச்சி பாலம் பகுதியில் பரபரப்பு ஏற்பட்டது.
Tags:
மணவை செய்திகள்
