மணவாளக்குறிச்சியில் பாபுஜி மேல்நிலைப் பள்ளியில் மாற்றுத்திறனாளிகளுக்கான முகாம்

மணவாளக்குறிச்சியில் பாபுஜி மேல்நிலைப் பள்ளியில் மாற்றுத்திறனாளிகளுக்கான முகாம்

29-11-2014

குருந்தன்கோடு ஒன்றியத்திற்கு உட்பட்ட பகுதியில் உள்ள அனைத்து பிரிவு மாற்றுத்திறனாளிகளும் பயன்பெறும் வகையில் சிறப்பு முகாம் மணவாளக்குறிச்சி பாபுஜி மேல்நிலைப்பள்ளியில் நடந்தது.

இதில் மாற்றுத்திறனாளிகளுக்கான உபகரணங்கள், வங்கிக்கடன் உதவி, மருத்துவ காப்பீட்டு திட்ட அடையாள அட்டை வழங்குதல், வேலை வாய்ப்புத்துறை மூலம் பதிவு செய்தல், வேலை வாய்ப்பற்ற நபர்களுக்கு உதவித்தொகை பெற உரிய விண்ணப்பங்கள் பெறுதல், தொலைதூர கல்வி மையத்தில் இருந்து உயர்நிலை கல்வி அளித்தல் தொடர்பான பயனாளிகளை தேர்வு செய்தல் போன்றவை நடந்தது

இதில் மூன்று சக்கர வண்டிகள் 10 பேருக்கும், சக்கர நாற்காலி 15 பேருக்கும், ஊன்று கோல் 10 பேருக்கும், காது கேட்கும் கருவி 8 பேருக்கும், மற்றும் கருப்பு கண்ணாடி, பார்வையற்றவர்களுக்கான கடிகாரம் என 216 பேர் இதில் பயன் அடைந்தனர். முகாமில் பிரின்ஸ் எம்.எல்.ஏ., பயிற்சி உதவி கலெக்டர் சிரேயா பி.சிங், மாற்றுத்திறனாளி மாவட்ட அலுவலர் பிரம்மநாயகம், பேரூராட்சி தலைவர்கள் ஜோஸ்பின் ரீட்டா, சுதா திருமலை, வசந்தா உள்பட பலர் கலந்து கொண்டனர்.