மண்டைக்காடு கோவில் குளத்தில் தீயணைப்பு வீரர்கள் ஒத்திகை

மண்டைக்காடு கோவில் குளத்தில் தீயணைப்பு வீரர்கள் ஒத்திகை

25-11-2014

குமரி மாவட்டத்தில் பொதுமக்களிடம் விழிப்புணர்வு ஏற்படுத்தும் வகையில் மாவட்ட தீயணைப்பு அலுவலரின் உத்தரவின் பேரில், குளச்சல் தீயணைப்பு நிலைய அலுவலர் அண்ணாத்துரை தலைமையில், தீயணைப்பு மற்றும் மீட்பு படை வீரர்கள், மண்டைக்காடு கோவில் குளத்தில் மீட்புபணி ஒத்திகை பயிற்சி நடத்தினர்.

இதில் நீச்சல் தெரியாமல் தண்ணீரில் தத்தளித்தால் அவரை எப்படி? காப்பாற்றுவது என்றும், தண்ணீரில் தத்தளிப்பவர் மீட்புபடையினர் வருவது வரை மூழ்காமல் இருப்பது எப்படி? என்பது உள்பட பல ஒத்திகைகளை தீயணைப்பு மற்றும் மீட்பு படை வீரர்கள் தத்ரூபமாக செய்து காட்டினர். இந்த ஒத்திகை நிகழ்ச்சியில் திரளான பொதுமக்கள் கலந்து கொண்டனர்.