மணவாளக்குறிச்சி ஸ்டுடியோ கடை பணியாளர் பைக் மோதி படுகாயம்

மணவாளக்குறிச்சி ஸ்டுடியோ கடை பணியாளர் பைக் மோதி படுகாயம்

16-11-2014

மணவாளக்குறிச்சி பள்ளிவாசல் எதிரில் ஜாண் டிஜிட்டல் ஸ்டுடியோ மற்றும் வீடியோ கடை அமைந்துள்ளது. இந்த கடையில் பணிபுரிபவர் ஜோசப் (வயது 23). இவர் நேற்று முன்தினம் இரவு 7.30 மணி அளவில் கடையில் இருந்து வேலை காரணமாக குளச்சல் நோக்கி ஸ்டுடியோ கடை அதிபர் ஜாண் என்பவரின் இருச்சக்கர வாகனத்தில் சென்று கொண்டிருந்தார்.

அவர் கூட்டுமங்கலம் பகுதியில் சென்ற போது, எதிரே வந்த இன்னொரு பைக்கில் மோதியதாக தெரிகிறது. இதில் ஜோசப் அருகில் இருந்த சிறிய பள்ளத்தில் விழுந்து படுகாயம் அடைந்தார். இதில் எதிர் பைக்கில் வந்தவருக்கு சிறிய காயம் ஏற்பட்டது.

உடனே ஆம்புலன்ஸ் வரவழைக்கப்பட்டது. தமுமுகவிற்கு சொந்தமான ஆம்புலன்ஸ் மூலம் படுகாயம் அடைந்த ஜோசப் ஆசாரிப்பள்ளம் அரசு மருத்துவக்கல்லூரி மருத்துவமனைக்கு கொண்டு செல்லப்பட்டார். அங்கு அவருக்கு தீவிர சிகிட்சை அளிக்கப்பட்டு வருகிறது. மோதிய 2 பைக்குகளும் மணவாளக்குறிச்சி போலீஸ் நிலையம் கொண்டு செல்லப்பட்டது.