மணவாளக்குறிச்சி முஸ்லிம் பள்ளிவாசலில் பக்ரீத் பெருநாள் தொழுகை நடந்தது: திரளாக முஸ்லிம்கள் கலந்து கொண்டனர்

மணவாளக்குறிச்சி முஸ்லிம் பள்ளிவாசலில் பக்ரீத் பெருநாள் தொழுகை நடந்தது: திரளாக முஸ்லிம்கள் கலந்து கொண்டனர்

05-10-2014

முஸ்லிம்களின் முக்கிய பண்டிகைகளில் ஒன்றான ஹஜ் பெருநாள் இன்று கன்னியாகுமரி மாவட்டம் முழுவதும் கொண்டாடப்பட்டு வருகிறது. மாவட்டத்தில் இடலாக்குடி, கன்னியாகுமரி உள்பட சில இடங்களில் நேற்று பெருநாள் கொண்டாடப்பட்டது. குமரி மாவட்டம் தவிர தமிழகத்தின் பிற மாவட்டங்களில் நாளை (6-ம் தேதி) ஹஜ் பெருநாள் கொண்டாடப்படுகிறது.

மணவாளக்குறிச்சியில் இன்று பெருநாள் கொண்டாடப்பட்டு வருகிறது. காலை 7 மணிக்கு பெண்களுக்கான பெருநாள் தொழுகையும், 9 மணி அளவில் ஆண்களுக்கான பெருநாள் தொழுகையும் நடந்தது. பெருநாள் தொழுகையினை பள்ளிவாசல் தலைமை இமாம் கபீர் மஹ்ரளி மற்றும் இமாம் ஜலீல் உஸ்மானி ஆகியோர் தலைமையில் நடந்தது.

தொழுகையில் திரளாக முஸ்லிம்கள் கலந்து கொண்டனர். தொழுகை முடிந்து முஸ்லிம்கள் ஒருவருக்கு ஒருவர் பெருநாள் நல்வாழ்த்துக்களை தெரிவித்து கொண்டனர்.