மணவாளக்குறிச்சியில் இலவச பொது மருத்துவ முகாம்

மணவாளக்குறிச்சியில் இலவச பொது மருத்துவ முகாம்

30-10-2014

மணவாளக்குறிச்சி மணல் ஆலை நிறுவனமும், நெய்யூர் சி.எஸ்.ஐ. மருத்துவ மனையும் இணைந்து நடத்திய இலவச பொது மருத்துவ முகாம் மணவாளக்குறிச்சியில் நடந்தது.

முகாமில் பொது மருத்துவம், கண் மருத்துவம், குழந்தைகள் நல மருத்துவம் போன்றவற்றிற்கான மருத்துவ பரிசோதனை மற்றும் மருத்துவ ஆலோசனைகள் வழங்கப்பட்டது. முகாமை மணவாளக்குறிச்சி மணல் ஆலை தலைவர் மொகபத்ரா குத்து விளக்கேற்றி தொடங்கி வைத்தார்.

மணல் ஆலை பொது மேலாளர் ஜெனா, முதுநிலை மேலாளர்கள் மூர்த்தி, சுரேந்திரகுமார், மேலாளர்கள் சிவராஜ், பரத், ஆலை மருத்துவர் டாக்டர் ராஜா மற்றும் சி.எஸ்.ஐ. மருத்துவர்கள் டாக்டர்கள் ரெனுஷா, நிதின், ஹெக்டர் ஆகியோர் கலந்து கொண்டு சிகிச்சை அளித்தனர்.